వి॥ సం॥ అభిజిన్నక్షత్రం పతితం కావటం వలన నక్షత్ర సంఖ్య సమానం ఎలా అయింది? అని అడగదలచుకొన్న ఇంద్రుని కుమారస్వామి ఇప్పుడు చేయవలసినది ఏమిటి అని అడిగాడు. (నీల)

వి॥సం॥ ఆరుగురే అయిన కృత్తికలు ఏడుతలలు గల నక్షత్రం ఎలా అయింది. అనే సందేహానికి సమాధానం - ఋషీభార్యలు ఆరుగురి వలె స్వాహాదేవి ఆడగరుడపక్షి రూపం కూడా ధరించింది. ఆమెతో కూడటం వల్ల సప్తశీర్షనక్షత్రం అయింది. (నీల)

వి॥సం॥ మానవులకు బాధలు కలిగించే ఈ తామసస్కందగ్రహాలు పరమేశ్వరుని భూతప్రేత గణాల వలె స్కందదేవుని శరీరం నుండి ఆవిర్భవించిన తమోమయమైన కుమారస్వామి సహచరులుగా తెలుసుకోవాలి. ఈ గ్రహాల నుంచి రక్షణ పొందటానికి పరమశివుని పై భక్తి కలిగించటానికి ఈ గ్రహవర్ణనం జరిగింది. భగవంతుని భక్తులను ఈ గ్రహాలు తాకను గూడ తాకలేవు. తమోగుణం కలవారిపైననే తామస గ్రహాలు అన్నింటి బలం పని చేస్తుంది. తమోగుణ ప్రధానులే వీరిని పూజిస్తారు.

వి॥సం॥ వాస్తవం తెలియక భర్తలచే శప్తలైన స్కందమాతలు బాలగ్రహాదులై కూడా అధికారాలు పొందారు. అనగా నిజంగానే తప్పులు చేసిన వారి విషయం వేరుగా చెప్పవలెనా? అన్నిదోషాలు తొలగటానికి పరమేశ్వరుని పూజించాలి. (నీల)