ధృష్టద్యుమ్నుడు పలికాడు - దుర్యోధనుడు, దుర్విషహుడు, దుర్ముఖుడు, దుష్ప్రధర్షణుడు, వివింశతి, వికర్ణుడు, సహుడు, దుశ్శాసనుడు, యుయుత్సువు, వాయువేగుడు, భీమవేగరవుడు, ఉగ్రాయుధుడు, బలాకి, కరకాయువు, విరోచనుడు, కుండకుడు, చిత్రసేనుడు, సువర్చుడు, కనకధ్వజుడు, నందకుడు, బాహుశాలి, తుహుండుడు, వికటుడు మరెందరో మహావీరులైన ధృతరాష్ట్రకుమారులు కర్ణునితో కలిసి నీకోసం వచ్చారు. (1-4)

శకుని, వృషకుడు, బృహద్బలుడు వచ్చారు. వీరంతా గాంధారరాజకుమారులు. ఉత్తమయోధులైన అశ్వత్థామ, భోజుడు నీకోసమే విచ్చేశారు. బృహంతుడు, మణిమంతుడు, దండధారుడు, సహదేవ జయత్సేనులు, మేఘసంధి, కుమారులైన శంఖుడు, ఉత్తరులతో కలిసి విరాటరాజు, వార్ధక్షేమి, సుశర్మ, సేనాబిందువు, కుమారుడైన సువర్చసునితో కలసి సుకేతువు, సుచిత్రుడు, సుకుమారుడు, వృకుడు, సత్యధృతి, సూర్యధ్వజుడు, రోచమానుడు, నీలుడు, చిత్రాయుధుడు, దండుడు, పౌండ్రకవాసుదేవుడు, భగదత్తుడు, కాళింగతామ్రలిప్తుడు, పత్తనాధిపతి, మహారథుడైన మద్రరాజు శల్యుడు, అతనిపుత్రులు రుక్మాంగద రుక్మరథులు, భూరి, భూరిశ్రవసుడు, శలుడు అనే తన ముగ్గురు పుత్రులతో కలసి కౌరవ్యుడైన సోమదత్తుడు, కాంబోజరాజు సుదక్షిణుడు, పౌరవుడైన దృఢధన్యుడు --- (5-15)

బృహద్బలుడు, సుషేణుడు, ఔశీనరుడైన శిబి, దోపిడి దొంగలను సంహరించిన కారూషాధిపతి సంకర్షణుడు, వాసుదేవుడు, రౌక్మిణేయుడు, సాంబుడు, చారుదేష్ణుడు, ప్రాద్యుమ్ని, గదుడు, అక్రూరుడు, సాత్యకి, మహామతి ఉద్ధవుడు, ఆత్మీయుడైన కృతవర్మ, పృథువు, విపృథువు, విదూరథుడు, కంకుడు, గవేషణునితో కూడిన శంకుడు, ఆశావహుడు అనిరుద్ధుడు, శమీకుడు, సారిమేజయుడు, వీరుడైన వాతపతి, ఝిల్లి, పిండారకుడు, ఉశీనరుడు, విక్రాంతుడు వీరందరు ప్రసిద్ధమైన వృష్ణివంశంలో పుట్టినవారు. (16-20)

భగీరథుడు, బృహత్క్షత్రుడు, సింధుదేశపురాజు జయద్రథుడు, బృహద్రథుడు, బాహ్లికుడు, మహారథుడైన శ్రుతాయువు, కైతవుడైన ఉలూకుడు, చిత్రాంగద శుభాంగదులు, వత్సరాజు, కోసలాధిపతి, శిశుపాలుడు, జరాసంధుడు, వీరేకాక మరెందరో సుప్రసిద్ధులైన క్షత్రియులు వివిధదేశాధిపతులు నీకోసం వచ్చారు. అమ్మా! నీకోసం వీరు లక్ష్యాన్ని భేదిస్తారు. ఎవడు ఈ లక్ష్యాన్ని భేదిస్తాడో వానిని వరింతువు గాక! (21-24)

ఇది శ్రీమహాభారతమున ఆదిపర్వమున స్వయంవరపర్వమను

ఉపపర్వమున రాజనామ కీర్తనము అను నూట ఎనుబది అయిదవ అధ్యాయము. (185)