వి: హరిమేధసుడు: ఒక ప్రాచీన రాజు

రంతిదేవుడు: ఒక ప్రాచీనరాజు. సంకృతి యొక్క పుత్రుడు. ఇతడు 100 సంవత్సరాలు ఎంతోఘనంగా భూరిదక్షిణలతో యజ్ఞం చేశాడు. తనకేమీ లేకుండా దానం చేశాడు. చివరకు అతడు చేసిన జలదానం వల్ల అతనికి స్వర్గం లభించింది.

గయుడు: అమూర్త రజసుని పుత్రుడు - బ్రహ్మసరోవరం దగ్గర గొప్పయజ్ఞం చేశాడు. ఆ యజ్ఞంలోని నెయ్యి 100 కుండములయింది. పెరుగు నది వలె ప్రవహించింది.

శశబిందుడు: ఒక ప్రాచీనరాజు - చిత్రరథుని పుత్రుడు. ఎన్నో యజ్ఞాలు చేశాడు. అతడు చేసిన అన్నదానం 13 పర్వతాలు అయింది.

నృగుడు: ఒక ప్రాచీన రాజు - పయోష్టీనదీ తీరంలో యజ్ఞం చేశాడు. కురుక్షేత్రంలో యజ్ఞం చేశాడు. ఒక పాపం వల్ల తొండ అయ్యాడు.

అజమీఢుడు - చంద్రవంశపు ప్రాచీనరాజు - సుహోత్రునికి ఇక్ష్వాకికి పుట్టినవాడు.

దాశరథి = రాముడు

1. దంభోద్భవుడు: పూర్వం ఒక సార్వభౌముడితడు. బలగర్వితుడై ఉండేవాడు. వాని గర్వాన్ని నరనారాయణులు పోగొట్టారు. అప్పటి నుండి అతడు బ్రాహ్మణభక్తి కలిగి ఉండేవాడు. గర్వం పోయిన దంభోద్భవునితో ఇచట పోలిక (ఉద్యో-96)

2. రాముడు: పరశురాముడు. జమదగ్ని పుత్రుడు. రాజులందరినీ 21 మారులు సంహరించినవాడు.

3. ఔర్వుడు: చ్యవన మహర్షి పుత్రుడు. భృగువంశస్థులందరినీ కృతవీర్యవంశజులు చంపుతుంటే తల్లి తన గర్భాన్ని తొడలో దాచుకొంది. ఆ తరువాత అతడు తల్లి ఊరువు (తొడ) నుండి ఉద్భవించి, కృతవీర్యవంశజులను అంధులుగా చేశాడు. అతని కోపాన్ని ఉపసంహరించుకొమ్మని పితృదేవతలు కోరితే ఆ కోపాగ్నిని సముద్రంలో దాచాడు. అదే బడబాగ్ని - (ఆది-181)

4. త్రితుడు: ఒక మహర్షి. ఏకతుడు, ద్వితుడు, త్రితుడు - వీరుమువ్వురూ సోదరులు.

5. భగీరథుడు: సగరవంశజుడు. సగరపుత్రుల ఉత్తమగతి కొరకు గంగను భూమికి తీసుకొని వచ్చిన మహనీయుడు.