వి॥సం॥ యుగంధరం (పర్వతప్రదేశం) లో ఒంటెపాలతో, గాడిదపాలతో కూడా పెరుగు చేస్తారు. ఆ పెరుగు త్రాగాటం ఒక దోషం. అచ్యుతస్థలంలో సంకర జాతి వారి గ్రామంలో - నివసించటం మరోదోషం. భూతిలయగ్రామంలో మండేశవాలను నదిలోనికి నెడతారు. ఆ నదిలో స్నానం చేయటం మూడవ దోషం. పై పెరుగు సురతో సమానం. అచ్యుతస్థలంలో నివసించినా, భూతిలయంలో స్నానం చేసినా దానికి ప్రాయశ్చిత్తంగా ప్రాజాపత్యవ్రతం చేయాలి. ఆ పని చేయనందువలన పిశాచి ఆ బ్రాహ్మణికి స్నాననిషేధాన్ని విధించింది. అయినా వినకుండా స్నానం చేసినందువల్ల ఆమె వస్తువులను నాశనం చేసి మరునాడు కూడా మాటను అతిక్రమిస్తే ఇంకా తీవ్ర ఫలితాన్ని పొందవలసివస్తుందని శాసించింది. (నీల)